لماذا تفضل الفتيات ان يكون خطيبهن شابا وسيما غالبا ؟ .......

من الطبيعي أن يحرص الشاب أن تكون الفتاة التي يتقدم لخطبتها على قدر كبير من الجمال ولكن . وفي السنوات الآخيرة زادت عمليات التجميل للرجال في الوطن العربي بعد ما كانت عادة للنساء ...
الغريب خصوصاً في السنوات الأخيرة حرص الفتاة أن يكون خطيبها يملك من الوسامة الشيء الكثير... ويكون حليق أملس , ولو يكون يشبه نانسي
بغض النظر عن رجولته وشهامته لدرجة أن بعض الفتيات تختار شابا وسيما لا يملك من مقومات الرجولة شيء "ابن ماما لا يعرف في الحياة ادنى شيء"

ومنهن من يفضلنه شاب مكتمل الرجولة ولكنه ليس وسيما !!!
هذه حقيقة اصبحنا نراها , صحيح أن الجمال للمرأة فقط ولكن يبدو أن الرجل بات ينافس المرأة في الجمال ؟
وعلى لسان رجل علم النفس سعيد الرازي من مصر , فان الفتاة التي تبحث عن الشاب الوسيم , قد تكون فتاة ارتكبت اخطاء في حياتها الموضوعية , وهي قد تكون فاشلة في حياتها مستقبلا.
للاسف اصبح تفكير بناتنا بهذا الشكل

يعني يا هبة مش هتختار واحد تتعقد من شكله كل ما تبصله
يعني وبرده ميكونش شكله بنت تحس انها اتخطبت لبنت زيها
يكون فيه سمات الرجولة وعسولة وحلو برده

شكرا سارة على مشاركتك ومرورك الجميل

فعلا زى ما وضحتى اجمل حاجة خير الامور الوسط

بنات تافهة اساسا هتعمل ايه بشكله جمال الشكل بيروح مع الزمن لكن جمال الروح هو اللى بيفضل وبرده يكون مقبول الشكل

والله يا شيخه البنت اما بيتقدم لها اى عريس دلوقتى بتمسك فيه بسنانها سواء كان ابن ماما او ابن بابا بتمسك فيه بايدها وسنانها

كلامك جميل جدا يا ايناس ومعاكى فيه

لكن كلامك يا دكتر بودى دا لالالالالالا مش اى بنت زى ما انت فاكر الكلام اللى انت بتقوله دة

يا ريت تغير فكرتك

الناس لسا بخير وعموما سواء البنات او الشباب مخلصوش من الدنيا يعنى عشان واحدة تعمل كدة

يا بنتى انا بكلم على اساس الاحصائيات اللى اتعملت فى مصر ووجدت ان نسبه العنوسه للبنات عدت اكثر من 4 مليون ومش انا اللى بيقول كده اوك

والعنوسه يعنى ان البنت عدت سن الاربعين ولم تتجوز
فتخيلى انتى ان اى بنت من دول اتقدملها عريس اتعمل ايه؟
دى تاكله وتشربه وهى اللى تشتغل كمان عشان بس تتجوز وما تبقاش عانس
فهمتى انا قصدى من انها اتمسك فيه بايدها وسنانها يا حلم

برده انا مش معاك يا دكتور بودى اولا الولد هو اللى بيروح يتقدم للبنت يعنى هو اللى بيكون عاوزها وهى ليها الحق ترفض او تقبل واحب اقولك على حاجة مفيش حد بيفضل من غير جواز سواء بنت او ولد وشكرا ليك

انا فاهمة نظريتك يا دكتر بس العيب فى الاخر يرجع على الرجال اللى بيجوزوا بنات اصغر منهم كتير ويسيب اللى من سنه مصيرها للعنوسة ليه كل واحد ميخدش اللى من جيله لو حصل دة من الاول مكنش فى الاضراب دة

والافظع نلاقى الواحد يبقى مجوز ولما ويطمع انه يجوز تانى لكن لما ييجى يجوز تانى كمان بيدور على واحدة من دور اولاده

بدل ما يجوز ابنه بيدور على نفسه

اذا الخلل بيقع من عدة نواحى والضحية هما البنات فى الاخر صغيرة وكبيرة

انا عاوزك تفهمى وتقدروا الموقف بس انتم مش فاهمين والله لسه .انا عارف ان الولد هو اللى بيتقدم للبنت مش البنت

بس الاهل بيوافقوا عليه خوفا من ان تدخل ابنتهم فى جدول العنوسه فبيوافقوا عليه بسهوله
اما انتى يا حلم ان الراجل بيجوز بنت اصغر منه فهو ده الصح لأن البنت لو كانت فى سنه مثلا الاتنين عندهم 50 سنه فالمراه بتكون بلغت سن الياس اما الراجل فبيكون لسه زى الشاب فمن هنا ازاى انا اجوز بنت ادى على الاقل تكون اصغر منى ب 4 سنين أكيد انتى فهمتى قصدى
واما انتى بتقولى يروح يجوز عياله .اه ده واجب عليه
بس هو لو مقتدر الشرع حلله انه يجوز اتنين وتالته واربعه صح ولا لأ

لا مش كله هيوافق على اي واحد هيتقدملها ولا حاجه
ساعات بيبقى ضل الحيطة احسن كتير من ضل الراجل
وبعدين كل ما تكلم واحد يقولك الرشع ويتجوز اربعة
كفاية واحدة وبلاش طمع

شكرا على المشاركة الجميلة منك دى يا سارة